Marqaan News Agency » Gudoomiyaha Gobolka banaadir Oo talaabo ka Qaaday dad Guryo Haystey 20 sano muqdisho

Gudoomiyaha Gobolka banaadir Oo talaabo ka Qaaday dad Guryo Haystey 20 sano muqdisho

Maxkamadda Gobolka Banaadir ayaa maanta ku wareejisay Yuusuf Maxamed Ibraahim Uunlaaye iyo Ibraahim Maxamed Ibraahim Uunlaaye guri muddo 27 sano xoog looga heystay.

Guddoomiyaha Maxkamadda Gobolka Banaadir Dr. Aweys Sheekh C/llaahi ayaa sheegay Maxkamadda markii ay aragtay warqada milkiyada Ibraahim Uunlaaye oo aheyd warqad waqaf ah oo lagu wareejiyay wiilasha agoonta ah ay u cadaatay inay tahay waqaf sharciga islaamka ah, ayna u xukuntay wiilashaas, kuna wareejisay guriga.

Waxaa uu sheegay in Guriga hadii la dhaho waqaf aan la iibin kari ama qof loo hibeyn karin, illaa ay ka dhaxlaan carruurtooda, isagoo xusay arrintan ay tahay tallaabo horay loo qaaday oo dhinaca dib u heshiisiinta in dad guryahooda ka maqan lagu wareejiyo.

Taliyaha qeybta Booliska ee Bartamaha ayaa sheegay in cid kasta oo si sharci darro ku degan guri aysan laheyn, ay ka qaadayaan tallaabo sharci ah.

Guriga ay Maxkamadda ku wareejisay qoyskan ayaa ku yaalla nawaaxiga Bacadlihii hore ee degmada Xamar weyne.

Maxkamadda Gobolka Banaadir ayaa muddooyinkii u dambeeyay qaadeysay dacwadaha la xiriira dhulka iyo guryaha la kala heysto.

 . . .

Nagala Soo Xiriir

Marqaannews@gmail.com

   . .

One Response to Gudoomiyaha Gobolka banaadir Oo talaabo ka Qaaday dad Guryo Haystey 20 sano muqdisho

  1. Atoore says:

    ASC.
    Waa tilaabo muhiima in ay soomaali kala xaq baxdo oo is wada cafido.Haddiise uu Xassan Shiikh sii hayn lahaa jagada madaxweynaha ma ay dhacdeen arintaan oo kale.Waayo Xassan raali kama ahayn guryo la isu celiyo iyo dadkii ka qaxay xamar in ay ku soo noqdaan.Sida la sheego labo nin oo xamar ka hayn jiray jago muhiima xiligii Xassan Shiikh midkasataba waxuu soo jeediyey in guryaha la kala haysto dadkii lahaa loo celiyo oo soomaalidii ka qaxday xamar ku soo noqdaan xamar.Labadii ninba shaqadii waa laga saaray.Labada nin waxay kala ahaayeen Tarzan iyo Muungaab.Labadaba Xassan xiligiisii baa laga qaaday jagadii ay isaga dambeeyeen.Waxayna qoon sadeen guryaha hala celiyo.Maantase Thaab ka uu baqi mahayo in shaqadiisa looga saaro guryaha hala celiyo darteed.Waayo waxaa hadda xukuma soomaaliya labo nin oo la filayo in ay dhaamaan kuwii hore 100 persent.
    Soomaali nasiib badanaa saa waxaa Ilaahay (swt) uu dhaafiyey Xassan Shiikh iyo C.C.C.

Leave a Reply

Your email address will not be published. Required fields are marked *